Presidenti Ademi takoi sekretarin e përgjithshëm të UEFA-s

15:23 | 25 Maj 2022
KRG

Presidenti Agim Ademi dhe u.d. sekretari i përgjithshëm, Taulant Hodaj, të cilët po qëndrojnë në Tiranë për finalen e Europa Conference League ndërmjet Romës dhe Feyenoordit, sot kanë zhvilluar takim me sekretarin e përgjithshëm të UEFA-s, Theodore Theodoridis.

Gjatë këtij takimi, Ademi dhe Hodaj e njoftuan Theodoridis për situatën e tanishme në FFK, e cila e ka mandatin e rregullt dhe për vazhdimin e projekteve, por edhe për kërkesat e reja, përcjell arbresh.info.

Krerët e FFK-së po ashtu u takuan edhe me drejtorin e Federatave kombëtare në UEFA, Zoran Llakoviq, zv/drejtorin Thierry Favre dhe menaxherin e programit HatTrick, Denis Bastari.

Edhe në këtë takim drejtuesit e FFK-së njoftuan për ecurinë e punëve dhe për kërkesat rreth projekteve të reja.

Nga ana e tyre zyrtarët e UEFA-s, shprehën mirënjohjen e tyre për punën e bërë dhe mbështetën si gjithmonë të gjitha projektet e FFK-së.

Shpërndaje në rrjete sociale

Lajmet më të lexuara

Të ngjashme

Foto lajm